ಪ್ರೇಮದಾ ಜಿಂಕೆ

ಚಂಗನೆ ಹಾರುತಿದೆ ಅದು ಸಂಸಾರದ ಬನಕೆ

ಎಲ್ಲರನು ಸೆಳೆದಿದೆ ಈ ಪ್ರೇಮದಾ ಜಿಂಕೆ

ತರುಣಿಯರು ನಿಬ್ಬೆರಗಾದರು ಅದರ ನೋಟದಿಂದ

ಬೇಡರು ಚಕಿತರಾದರು ಅದರ ಓಟದಿಂದ

ಮಕ್ಕಳು ನಲಿದಾಡಿದರು ಕಂಡು ಅದರ ನಲಿವಿನಿಂದ

ಸರ್ವರು ಮನಸೂರೆಗೊಂಡರು ಆ ಹೊಂಬಣ್ಣದಿಂದ

ಈ ಪ್ರೇಮವೆಂಬ ಜಿಂಕೆಯ ಹಿಂದೆ ನೀನಿರು

ದ್ವೇಷವೆಂಬ ಹೆಬ್ಬುಲಿಯಿಂದ ನೀ ದೂರವಿರು

'ಪ್ರೀತಿ-ಪ್ರೇಮದಿಂದಲೇ ಪ್ರಪಂಚ'ವೆಂದು ಸಾರು

ದ್ವೇಷವ ಮರೆತು ಕಾಣು ನೀ ಪ್ರೀತಿಯ ಕಾರುಬಾರು

ದ್ವೇಷದಿಂದಲೇ ಮನಕೆ ಸಾವಿರಾರು ವೇದನ

ಪ್ರೀತಿಯಿಂದ ನಾ ಕಂಡುಕೊಂಡೆ ನಲಿವ ಜೀವನ

ಎಲ್ಲರನು ಪ್ರೀತಿಸುತಲಿ ಕಾಣು ನೀ ನಂದನ

ದ್ವೇಷವೆಂಬುದೇ ವೇದನ, ಪ್ರೇಮವೆಂಬುದೇ ಚಂದನ