ಯುಗಾದಿ

ಓ ಗೆಳೆಯಾ, ನೂತನ ಸಂವತ್ಸರದ ಬುನಾದಿ

ಕೋಗಿಲೆ ಗಾನದಿ, ಹರುಷ ತಂದಿದೆ ಯುಗಾದಿ

ಹಸಿರ ಬನದಲಿ ಸಂತಸದಿ ಕುಣಿಯುತಾ

ರವಿಯ ಹೊನ್ನಬೆಳಕಿನಲಿ ಆನಂದದಿ ತೇಲುತಾ

ಮೈಮರೆತೆ ನಾ, ಪ್ರೇಮತರಂಗವ ಮೀಟುತಾ

ಬೇವು-ಬೆಲ್ಲ ಹಂಚೋಣ, ಯುಗಾದಿ ಆಚರಿಸುತಾ

ನೋವೆಲ್ಲಾ ಮರೆವ, ಸಂತಸದ ಹಾದಿಯಲಿ

ಸಂತಸದಿ, ಹಳೆಯ ನೆನಪು ಹಳಸದಿರಲಿ

ಸುಖ-ಸಂತೋಷವನ್ನೇ ಯುಗಾದಿ ತರಲಿ

ಚೈತ್ರದತ್ತ ಹೆಜ್ಜೆಯಿಡುವೆ ನಿಮಗೆ ಹಾರೈಸುತಲಿ

ಮನದಿ ಹರುಷದ ವಾರಿಧಿ ಹರಿಯುತಲಿರಲಿ

ಸುಖ-ಸಂತೋಷದ ರಸನಿಮಿಷ ಕಾದಿರಲಿ

'ಹರುಷ'ವೆಂಬ ಉಡುಗೊರೆ ಕೊಡುವೆನಿಲ್ಲಿ

ಉಡುಗೊರೆಯನು, ನಿಮ್ಮ ಮನ ಸದ್ದಿಲ್ಲದೇ ಸ್ವೀಕರಿಸಲಿ