ಭಾವಾಂಗಿನಿ

ಕನಸಲಿ ಬಂದು ಕಾಡುವ ಹೃದಯವೇ, ನೀನೆಲ್ಲಿರುವೆ

ಮನದ ಭಾಷೆ, ಎದೆಯಾಳದ ಕನಸು ನೀನಾಗಿರುವೆ

ಹೃದಯವೇ ಓ ಹೃದಯವೇ ನೀ ಹೇಗಿರುವೆ

ನನ್ನ ಕನಸಿನ ಪ್ರತಿಬಿಂಬವಾಗಿ ಅರಳಿದ ಕುಸುಮವೇ

ನಿನ್ನನು ಪ್ರತಿದಿನವೂ ನಾ ನೆನೆಯುತಲಿರುವೆ

ನನ್ನೆದೆಯಲಿ ಜೇನಹೊಳೆಯಲಿ ನೆಲೆಸಿಹ ಜೀವವೆ

ನನ್ನ ಕನಸಿನ ಕಣ್ಗಳ ಪ್ರತಿಬಿಂಬವು ನೀ

ನನ್ನೆದೆ ನೆನಪಿನಲಿ ಅರಳಿದ ಹೂವು ಕಣೆ ನೀ

ನಿನ್ನ ಪ್ರೀತಿಯನು ಪಡೆದಿಹ ನಾ ಚಿರಋಣಿ

ಈ ಕನಸಿನ, ನನಸಿನ ಭಾವದ ಭಾವಾಂಗಿನಿ

ಮನದ ಆಸೆಗಳೆಲ್ಲ ನಿನ್ನೊಡನೆ ನಾ ಹೇಳಲು

ಬಹಳ ದಿನದಿಂದ ಕಾಯುತಿದೆ ಈ ಒಡಲು

ಕಾತರಿಸುತಿದೆ ಈ ಜೀವ, ನಿನ್ನನು ಸೇರಲು

ಸಹಕರಿಸು ಚೆಲುವೆ, ನಿನ್ನ ಮನ ಬೆರೆಯಲು