ನಗು ಮೊಗದ ಮಗುವೇ

ಪುಟ್ಟ ಬಾಯಲಿ ಮುಗ್ದನಗು ನಗುವ ಮಗುವೇ

ನಿನ್ನಿಂದ ಕದ್ದದ್ದು, ಮತ್ತೇ ಸಿಗಲಾರದ ಸಂತಸವೇ

ನಿನ್ನೀ ನಗುವೇ ಈ ಮನಕೆ ಚಿನ್ನದ ಲೇಪನ

ನಿನ್ನಿಂದ ಪಡೆದ ಸಂತಸವು ಕಸ್ತೂರಿ ಚಂದನ

ಮುಗ್ಧತೆ ಬರಲೆಂದು ಬಯಸುವುದೀ ಭಾವನ

ಹುಟ್ಟುತ್ತಲೇ ಪರರಿಗೆ ಹಿತ ನೀಡಿದ ನಿನ್ನ ಜನ್ಮ ಪಾವನ

ಅರಿವಾಗದೇ ಮೂಡುವುದು ನಿನ್ನಲ್ಲಿ ಭಾವಸಿಂಚನ

ನಿಧಾನವಾಗಿ ಬೆಳೆಯಲಿ ಮಿಂಚಿನಂಥ ಚೇತನ

ಸದಾ ನಿನ್ನದಾಗಲೀ ಸದ್ಗುಣಗಳೇ ತುಂಬಿದ ಮನ

ಎಂದು ನಿನಗೆ ಹಾರೈಸುವುದು ನನ್ನ ಈ ಮನ

ಎಲ್ಲೆಲ್ಲಿಯೂ ನಿನಗೆ ಆಗದಿರಲಿ ಭಯದ ಕಂಪನ

ಬೇಗಬೇಗನೇ ಗ್ರಹಿಸು ನೀ, ಸರ್ವವಿದ್ಯಾಚಂದನ

ಸದಾ ನಿನ್ನ ಮನದಾಳದ ಬೇರಾಗಲಿ ಜ್ಞಾನಮಾಪನ

ನಿನಗೊಳಿತನು ಬಯಸಿ ನಾ ಬರೆವೆ ನೂರು ಕವನ