ವಂದೇ ಮಾತರಂ

ಹೇ ಭಾರತೀಯ ಹೇಳು, ನೀ ವಂದೇ ಮಾತರಂ

ನಿನ್ನ ಕೊರಳ ದನಿಯಾಗಲಿ, ಈ ವಂದೇ ಮಾತರಂ

ತಾಯಿ ಭಾರತಾಂಬೆಗೆ ಕೈಮುಗಿಯೋಣ ನಾವು

ನಮ್ಮೀ ನೆಲದಲಿ ಶಾಂತಿಯ ಉಳಿಸೋಣ ನಾವು

ಸೋದರತೆ ಭಾವ ತಳೆದು, ಒಂದಾದೆವು ನಾವು

ಸತ್ಯ-ಅಹಿಂಸೆಗೆ ನಾವೆಂದೂ ಸೇವಕರಾಗಿರುವೆವು

ಯಾರೇ ಆಗಲಿ, ಹಿಂಸಾಕೃತ್ಯವೆಸಗುವವರ ಬಡಿವೆವು

ಅನಾಚಾರ, ಅತ್ಯಾಚಾರ ಮಾಡುವವರ ಜಡಿವೆವು

ನಾವುಗಳೇ ಸೇರಿ, ನಮ್ಮ ದೇಶವನು ಕಾಪಾಡುವೆವು

ಕೈಕೈ ಹಿಡಿದು, ನಾವು ವಂದೇ ಮಾತರಂ ಎನ್ನುವೆವು

ನಯವಂಚಕರ ನೆತ್ತರ ಕಾಲುವೆಯ ಹರಿಸುವೆವು

ಹಸಿವಿಗಾಗಿ ಹಸಿರ ಬೆಳಸಲು ಬೆವರು ಸುರಿವೆವು

ನಾವು ದೇಶಸೇವೆಯಲ್ಲಿ ಸುಖವ ಕಾಣುವೆವು

ರಾಷ್ಟ್ರಧ್ವಜವ ಹಿಡಿದು, "ವಂದೇ ಮಾತರಂ" ಎನ್ನುವೆವು