ಬದುಕು

ಹೇ ಗೆಳೆಯರೇ ಕೇಳಿರಿ ನೀವು ಇಲ್ಲಿ

ಛಲ ತೊಟ್ಟು ಬಾಳುವುದನು ಕಲಿಯಿರಿ ಇನ್ನಿಲ್ಲಿ

ಛಲವಿರದ ಬದುಕೇ ಕೊಳಕಾದ ಬದುಕು

ಇರಬಾರದು ಮನದಲಿ ತುಂಬಾ ಸಿಡುಕು

ಸಿಡುಕಿದ್ದರೇ ಮನವಾಗುವುದು ಹರಕುಮುರಕು

ನನಸಾಗಲಿ ನಿಮ್ಮ ಕನಸಿನ ಭವ್ಯ ಬದುಕು

ಕನಸೆಂಬ ಅಲೆ ಮೇಲೆ ನಿಮ್ಮ ಬಾಳು ಸಾಗಲಿ

ಕನಸಿನ ಪ್ರತಿಬಿಂಬ ಮೂಡಲಿ ಆ ಅಲೆಯಲಿ

ನಿಮ್ಮ ಬಾಳಲಿ ಎಂದೂ ಸಂತೋಷವು ಇರಲಿ

ಹೊಸ ಹೂ ಚಿಗುರಲಿ ನಿಮ್ಮ ಬಾಳಲತೆಯಲಿ

ಆಸೆಯಿಂದ ನಿಮ್ಮ ಬದುಕು ಗುರಿ ಸೇರಲಿ

ಆ ನಿಮ್ಮ ಕಣ್ಗಳು ಭವಿಷ್ಯದ ಕನಸು ಕಾಣಲಿ

ನಿಮ್ಮಲ್ಲಿ ಛಲವೆಂಬುದು ತಾನಾಗಿಯೇ ಮೂಡಲಿ

ನಿಮ್ಮ ತುಟಿಯಲಿ ಬತ್ತಲಾರದ ನಗುವಿರಲಿ