ಚಿನ್ನದ ಬೀಡು

ಜಯವಾಗಲಿ, ಜಯವಾಗಲಿ ನಮ್ಮ ಕನ್ನಡಾಂಬೆಗೆ

ಕರವೆತ್ತಿ ಮುಗಿಯುವೆವು ಈ ಕನ್ನಡ ಮಾತೆಗೆ

ವೀರರುಗಳೇ ಜನಿಸಿರುವ ವೀರನಾಡಿದು

ಕವಿಗಳೇ ತುಂಬಿದ ಚೆಲುವ ಬೀಡಿದು

ಈ ಯಕ್ಷಗಾನವು ಕನ್ನಡನಾಡ ಕಲೆಯಿದು

ಎಲ್ಲೆಲ್ಲೂ ನೋಡು, ಸ್ನೇಹವೇ ತುಂಬಿಹುದು

ಕನ್ನಡಿಗನು ತಾನು ಎಲ್ಲಾದರೂ ಇರಲಿ

ಅವನು ತಾನು ಹೇಗಾದರೂ ಬದುಕಿರಲಿ

ಅವನ ಬಾಳಲಿ ಸಂತೋಷವು ತುಂಬಿರಲಿ

ಅವನ ಎದೆಯಲಿ ಕನ್ನಡದ ಲತೆಯಿರಲಿ

ಈ ನಮ್ಮ ಕನ್ನಡನಾಡೇ, ಚಿನ್ನದ ಬೀಡು

ಸುಂದರ ತಾಣವೇ ಬೇಲೂರು ಹಳೇಬೀಡು

ಪಶ್ಚಿಮ ಘಟ್ಟದಲಿ ತುಂಬಿದೆ ಹಸಿರುಕಾಡು

ಕನ್ನಡಾಂಬೆಗೆ ಒಲಿವ ಕಾಯಕವ ನೀ ಮಾಡು