ನಾ ಕಂಡ ಕನಸು

ಪ್ರತಿ ಇರುಳಿನಲಿ ಮನದಲಿ, ನನ್ನವಳೇ ತುಂಬಿದ ಕನಸು

ಆ ಕನಸಿನಲ್ಲಿಯೇ, ಕಾಣುವೆ ನನ್ನವಳ ಸೊಗಸು

ಅವಳ ನಗೆಯ ಅಲೆಯರಾಗ ನನ್ನೆದೆಯ ಮೀಟುತಾ

ಹಾದುಹೋಗುವಳು ನನ್ನೆದೆ ಸುಖ ನೀಡುತಾ

ಪ್ರತಿಯೊಂದು ಭಂಗಿಯಲಿ ಚಿತ್ತಸಾಗರದಿ ತೇಲುತಾ

ನನ್ನ ಮನದ ಭಾವ ಕದ್ದಳು, ಅವಳು ನಸುನಗುತಾ

'ದುಂಬಿಯನ್ನರಸಿದ ಸುಮ'ದಂತೆ ಇರುವಳು ನನ್ನೆದೆಯಲಿ

ಹಾಲಲಿ ಬೆರೆತ ಜೇನಿನಂತೆ ಮಿಂದಳೆನ್ನ ಭಾವದಲಿ

ಇರುಳಲಿ ಗಂಧ ಚೆಲ್ಲುವ ಹೂವಾದಳು ಮನದಲಿ

ಕಾಲವ ದೂಡುತಿಹಳು ನನ್ನ ಪರವಾನಗಿ ಬೇಡುತಲಿ

ಬೇರೆ ಯೋಚನೆಯಿಲ್ಲವೆಂತು ಅವಳನ್ನೇ ತುಂಬಿದ ಮನಸು

ಕೇಳಿಸುವುದು 'ನಿನಗಾಗಿಯೇ ನಾನು' ಎನ್ನೋ ಗುಸುಗುಸು

ನಾ ಏನೂ ಹೇಳದಿದ್ದರೂ, ಅವಳಿಗಿಲ್ಲ ನನ್ನಲಿ ಮುನಿಸು

ಸದಾ ಹಿತವಾಗಿರುವುದು ನನಗೆ "ನಾ ಕಂಡ ಕನಸು"