ಶ್ರೀ ಧನಲಕ್ಷ್ಮಿ

ಆಗಮಿಸು ತಾಯೇ, ನೀನು ನಮ್ಮ ಮನೆಗೆ

ಶ್ರೀಧನಲಕ್ಷ್ಮಿಯೇ ಬಾರಮ್ಮ ಬಡವನ ಮನೆಗೆ

ಹೂ, ಕುಂಕುಮ, ಗಂಧದಿಂದ ಅಲಂಕರಿಸುವೆ ಲಕ್ಷ್ಮಿ

ದೀಪ, ಧೂಪದಾರತಿಯನು ಮಾಡುವೆ ಸಿರಿಲಕ್ಷ್ಮಿ

ನನ್ನ ತನುಮನವ ಅರ್ಪಿಸುವೆ ತಾಯಿ ಅಷ್ಟಲಕ್ಷ್ಮಿ

ನಮ್ಮ ಮೇಲೆ ಕೃಪೆದೋರು ತಾಯಿ ಶ್ರೀ ಲಕ್ಷ್ಮಿ

ಭಕ್ತರಿಗೆ ಸಂತಾನ ಕರುಣಿಸುವ ಶ್ರೀ ಸಂತಾನಲಕ್ಷ್ಮಿ

ನಿನಗೆ ಮಣಿದವರಿಗೆ ನೀನು ಶ್ರೀ ವೈಭವಲಕ್ಷ್ಮಿ

ಬಡಭಕ್ತನನ್ನು ಶ್ರೀಮಂತನಾಗಿಸುವ ಶ್ರೀ ಧನಲಕ್ಷ್ಮಿ

ಬೇಡುವ ಭಕ್ತರ ಮನೆಯಲಿ ನೀ ಶ್ರೀಧಾನ್ಯಲಕ್ಷ್ಮಿ

ನನಗೆ ಶಕ್ತಿ, ಧೈರ್ಯವ ನೀಡು ಶ್ರೀಧೈರ್ಯಲಕ್ಷ್ಮಿ

ಭಾಗ್ಯವನು ಕರುಣಿಸು ತಾಯಿ, ಶ್ರೀಸೌಭಾಗ್ಯಲಕ್ಷ್ಮಿ

ಶಾಂತಿ-ನೆಮ್ಮದಿಯನು ನೀಡು ಶ್ರೀ ಗಜಲಕ್ಷ್ಮಿ

ನಿನ್ನ ಭಕ್ತನು ನಾನು ಕರುಣೆದೋರು ಶ್ರೀ ಮಹಾಲಕ್ಷ್ಮಿ