ನನ್ನ ನಲ್ಲೆ

ಅವಳ ಮುಡಿಗೆ ಮುಡಿಸಿದೆ ನಾ ಮೊಲ್ಲೆ

ಅದಕೆ ನಸುನಾಚಿ ನೀರಾದಳು ನನ್ನ ನಲ್ಲೆ

ನನ್ನ ಬೆನ್ನಹಿಂದೆ ನಡೆದು ಬಂದವಳು ಇವಳು

ನನ್ನ ಮನಕೆ ಪ್ರೇಮಗಂಧ ಪೂಸಿದಳು ಇವಳು

ನನ್ನ ಕನಸಿನ ರಾಣಿಯಾದವಳು ಇವಳು

ನನ್ನ ಮುದ್ದುಮಕ್ಕಳ ತಾಯಿಯಾದಳಿವಳು

ನೂರು ಚಿಂತೆ ಮಾಯವಾಯ್ತು ಇವಳನು ಕಂಡಾಗ

ಮನ ನಕ್ಕುನಲಿಯುವುದು ಅವಳು ನಗುವಾಗ

ಎಂದಿಗೂ ಸಿಗಲಿ ಅವಳೆನ್ನ ಸತಿಯಾಗುವ ಯೋಗ

ಭಾಗ್ಯವಂತನು ನಾನು ಎನಿಸುತಿದೆ ರಮಿಸುವಾಗ

ಮೊದಲ ಸಾರಿ ಕಂಡಾಗ ನಿಂತಿದ್ದಳು ತಲೆಬಾಗಿ

ಮೊದಲ ರಾತ್ರಿ ಕಂಡಿದ್ದಳು, ಬಲು ಚೆಲುವಾಗಿ

ಇಂದಿಗೂ ನಾ ಬದುಕಿರುವೆ ಅವಳ ಪ್ರೇಮಿಯಾಗಿ

ಜನ್ಮಜನ್ಮದಲಿ ಸಿಗಲಿ ಅವಳೆನ್ನ ಸತಿಯಾಗಿ