ಓ ನನ್ನ ಗೆಳೆಯಾ

ನಿನಗೆ ನಾನು ಅದು ಹೇಗೆ ಹೇಳಲಿ ಗೆಳೆಯಾ

ನಿನ್ನ ಕಾಣದೇ ನಾ ಪಡುವ ವಿರಹದ ವ್ಯಥೆಯಾ

ನನ್ನೀ ಕಣ್ಗಳು ಕಾದಿವೆ, ಚೆಲುವನೇ ನಿನ್ನ ಕಾಣಲು

ಮಹದಾಸೆಯ ಭಾವದಿ ನಿನಗಾಗಿ ನಾ ಕಾದಿರಲು

ನೀ ಬಂದು ನನಗಾಗಿ ನನ್ನ ಸನಿಹ ಸೇರಲು

ಆಗ ಚಿಮ್ಮುವುದೆನ್ನ ಮನದಿ ಸಂತಸದ ಹೊನಲು

ಬರೀ ಎರಡು ದಿನಗಳಿಂದಷ್ಟೇ ನಿನ್ನ ಕಾಣದಾಗಲಿಲ್ಲ

ಕ್ಷಣಕಾಲ ನಿನ್ನ ಕಾಣದಾದರೆನಗೆ ಬದುಕಲಾಗುವುದಿಲ್ಲ

ಯಾವ ನಾರಿಯ ಚಿತ್ತದಲಿ ಇರಬೇಕಾದುದು ನೀನಲ್ಲ

ಅದ್ಹೇಗೋ ಕಾಣೇ, ಈ ನನ್ನ ಮನಸಿಗೆ ನೀ ನಲ್ಲ

ಕಣ್ಣುಮುಚ್ಚಿ ಕುಳಿತರೆ ಸಾಕು ನಿನ್ನದೇ ನೆನಪು

ನಿನ್ನ ನೆನೆದಾಗಲೇ ಕಣ್ಗಳಲಿ ತುಂಬುದು ಹೊಳಪು

ನಿಜಕ್ಕೂ ಈ ಮನದಿ ಅಚ್ಚಳಿಯದಿದೆ ನಿನ್ನ ಛಾಪು

ಸಖನೇ ನಿನ್ನ ನಗುಮೊಗವೇ ಈ ಪ್ರೀತಿಗೆ ಹುರುಪು